Llista de muyeres ganadores del Premiu Nobel

El Premiu Nobel ye dau añalmente pola Real Academia Sueca de Ciencies, l'Academia Sueca, l'Institutu Karolinska y el Comité Noruegu del Nobel a les persones que faen contribuciones sobresalientes nos campos de la Premiu Nobel de Química Química, Premiu Nobel de Física Física, Lliteratura, Paz, Fisioloxía o Medicina y Economía.^[1] Tolos gallardones, sacante'l premiu d'economía, fueron instituyíos acatando les indicaciones del testamentu de 1895 d'Alfred Nobel, qu'amás señala que los premios tienen de ser alministraos pola Fundación Nobel. El Premiu Nobel d'Economía, o Premiu del Bancu de Suecia en Ciencies Económiques en memoria de Alfred Nobel, foi establecíu en 1968 pol Bancu de Suecia, que ye'l bancu central d'esti país, pa les contribuciones sobresalientes nel campu de la Economía.^[2]

Cada premiu ye dau por un comité independiente; asina, la Real Academia Sueca de Ciencies apurre los premios de Física, Química y Economía; l'Academia Sueca entrega'l premiu de Lliteratura; l'Institutu Karolinska apurre'l premiu de Fisioloxía o Medicina; y el Comité Noruegu del Nobel apurre'l premiu de la Paz.^[3] Cada receptor llogra una medaya, un diploma y un premiu n'efectivu que varió a lo llargo de los años.^[2] En 1901, los ganadores de los primeros Premios Nobel recibieron 150 782 corones sueques, lo qu'equival a 8 192 489 corones sueques a avientu de 2013. Ente 2001 y 2011, los años en que s'apurrieron los premios de mayor cuantía, los ganadores fueron premiaos con 10 millones de corones sueques, y a partir del 2012 con 8 millones.^[4] Los premios son apurríos en Estocolmu (Física, Química, Fisioloxía o Medicina, Lliteratura y Economía) y Oslu (Paz) nuna ceremonia añal celebrada'l 10 d'avientu, aniversariu de la muerte de Nobel.^[5]

Incluyendo la premiación de 2014, el premiu foi dau 817 vegaes a homes, 47 vegaes a muyeres y 25 vegaes a organizaciones.^[6][7][8] Ente les muyeres ganadores del Premiu Nobel, la primera foi Marie Curie, quien ganó'l de Física en 1903 xunto al so home Pierre Curie y Henri Becquerel.^[7][9] Ye tamién la única muyer que ganó'l Premiu Nobel en más d'una ocasión, yá qu'en 1911 ganó'l de Química. La so fía, Irène Joliot-Curie, ganó'l de Química en 1935, polo que son la única pareya de madre y fía que ganaron esta distinción.^[7] Dieciséis muyeres ganaron el Premiu Nobel de la Paz, catorce'l de Lliteratura, once'l de Fisioloxía o Medicina, cuatro'l de Química, dos el de Física y solo una muyer el d'Economía.^[10] Cabo señalar que 2009 foi l'añu en que más muyeres resultaron ganadores del premiu con un total de cinco muyeres premiaes nesi añu.

1. ↑ «Alfred Nobel – The Man Behind the Nobel Prize» (inglés). Nobel Foundation. Consultáu'l 7 de payares de 2010.
2. ↑ ^{2,0 2,1} «Nobel Prizes and Laureates» (inglés). Nobel Foundation. Consultáu'l 17 de marzu de 2015.
3. ↑ «The Nobel Prize Awarding Institutions» (inglés). Nobel Foundation. Consultáu'l 17 de marzu de 2015.
4. ↑ «The Nobel Prize Amounts» (inglés). Nobel Foundation. Consultáu'l 16 de marzu de 2015.
5. ↑ «The Nobel Prize Award Ceremonies» (inglés). Nobel Foundation. Consultáu'l 16 de marzu de 2015.
6. ↑ «All Nobel Prizes» (inglés). Nobel Foundation. Consultáu'l 17 de payares de 2015.
7. ↑ ^{7,0 7,1 7,2} «Nobel Prize Awarded Women» (inglés). Nobel Foundation. Consultáu'l 17 de marzu de 2015.
8. ↑ «Nobel Prize Awarded Organizations» (inglés). Nobel Foundation. Consultáu'l 7 de payares de 2010.
9. ↑ «Nobel Prize in Physics 1903» (inglés). Nobel Foundation. Consultáu'l 7 de payares de 2010.
10. ↑ «Economics 2009» (inglés). Nobel Foundation (12 d'ochobre de 2009). Consultáu'l 7 de payares de 2010.